Franca Perëndimore është tronditur nga një ngjarje e përmasave tragjike. Bëhet fjalë për 4 anëtarë të një familjeje, të cilët janë gjetur të vrarë. Sipas provave, autori ka qenë babai, që është dhe ai mes viktimave.
Nëna 38-vjeçare u gjet në dhomën e gjumit në katin e dytë, ndërsa vajzat 8 dhe 11 vjeç në katin e parë, secila në dhomën e vet dhe në shtratin e tyre.
Sipas prokurorisë, burri një 41- vjeçar u gjet i vdekur në katin e parë ,ndërsa i vrarë u gjet edhe qeni që i përket familjes.
Njoftimi është dhënë nga nëna e 38-vjeçares, ku nuk kishte komunikuar me vajzën e saj që në datën 29 tetor.
Burri punonte në një fabrikë mermeri në zonë, ndërkohë që çifti ishte i martuar që në qershor të vitit 2009 sipas gazetës “Le Télégramme”
Shkaku i ngjarjes së rëndë sipas dëshimive është ndarja e çiftit, ku i dyshuari kryesor duket se ka helmuar dy fëmijët dhe bashkëshorten e më pas është vetëvrarë.
Policia ka qenë në krye të hetimeve dhe po shqyrton akuzën e vrasjes, ndërsa do të bëhen autopsitë për të përcaktuar shkakun e vdekjes.
Discussion about this post