Deputeti i Partisë Demokratike Ervin Salianji ka reaguar mbi ngjarjen në ish-Bllok mbrëmjen e sotme ku mbeti i plagosur një 32-vjeçar.
Në një postim në facebook, Salianji tha se Shqipëria është e destabilizuar nga krimi ku vetëm në 24 orë, në mes të Tiranës kërcet arma në zonën më elitare, shpërthen tritoli në mes të qytetit, vrasje makabre po në Tiranë, përleshje me thika dhe vrasje në Elbasan.
“Shqipëria e destabilizuar nga krimi, në vetëm 24 orë, në mes të Tiranës kërcet arma në zonën më elitare, shpërthen tritoli në mes të qytetit, vrasje makabre po në Tiranë, përleshje me thika dhe vrasje në Elbasan! Vrasjet e tipit mafioz ende të pazbardhura, droga e përhapur më shumë se çimçakizi!
Qeveria e dorëzuar, tanimë ka harruar edhe shown dhe reagon për turp duke dhunuar gazetaren që raporton nga vendngjarja duke thelluar krimin që po bëjnë nga prepotenca që ju vjen nga paaftësia dhe lidhjet me krimin”- shkruan Salianji.
Discussion about this post