Avokati Spartak Ngjela tha në studion e News24 se zhvendosja e seancës nga e hëna e javës së ardhshme në ditën e premte, lidhur me votimin e kërkesës së SPAK për arrestimin e Arben Ahmetajt, ngre pikëpyetje.
Ngjela tha se ndoshta Edi Rama ka dashur një kohë në dispozicion për të kthyer Arben Ahmetajn.
“Kjo është çështja që unë e shoh. Opozita ka insistuar që të mos humbej kohë, Rama ka tentuar të fitojë kohë, atëherë pse e ka dashur kohën? Ndoshta për të rikthyer Ahmetajn, i cili ka iku. Tani le të presim dhe të shohim”, tha Ngjela.
Avokati tha se ne nuk e dimë nëse Ahmetaj ka ikur për të mos u kthyer apo jo. “Sipas të dhënave të mia ai është në Kanada, me Kanadanë nuk kemi marrëveshje ekstradimi dhe ai nuk mund të ekstradohet”, tha Ngjela.
Ai u shpreh se kur një kryeministri i ndodh një situatë e tillë dorëhiqet, por në Shqipëri nuk kemi këtë nivel moraliteti.
Ngjela tha se Ahmetaj duhet të kthehet në Shqipëri dhe të përballet me drejtësinë, pasi kjo rëndon pozitën e tij. “Duhet të presim të shikojmë a do të rikthehet dhe do të mbrohet, apo do qëndrojë në arrati dhe të shikojmë se çfarë do të bëjë”, tha Ngjela.
Discussion about this post