Avokati Spartak Ngjela ka komentuar për Report TV qëndrimin e Kryeministrit Edi Rama ndaj SPAK në raport me ish-zv.Kryeministrin Arben Ahmetaj, por edhe largimin e këtij të fundit nga Shqipëria.
Ngjela shprehet se Rama nuk mund të dalë kundër SPAK, për të cilin tha se drejtohet nga amerikanët.
“Sekretari i Shtetit në Amerikë tha e drejtojmë ne SPAK. Ahmetaj tha se SPAK e drejton Rama duke e ditur se e drejton Amerika.
Nuk duhet gjykuar një njeri që është në akuzë. Nuk mundet dot Rama të dilte kundër SPAK.
Rama tregoi se nuk mund të refuzojmë SPAK. Kjo është e vërteta e kësaj gjendje, ai do të shkonte drejt arrestit por u arratis.
Fakti që u arratis, i pafajshmi nuk arratiset asnjëherë sepse me forcën e vlerës së madhe të provës fiton famën.
Pak janë ata që kanë fituar famën pasi janë arrestuar dhunshëm dhe pa prova. Ky ka ikur! Nuk duhet të ikte. Nuk është ajo gjë që mendohet kur të sulmojnë diktaturat, do shkonte në gjykatë e do merrte pafajësinë.
Ndoshta jemi në pragun e një suksesi të madh anti-krim. Aq më mirë që ka shumë emra të shohim se çfarë do bëjë SPAK.’- tha Ngjela.
Discussion about this post