Avokati Spartak Ngjela shprehu kritika, por edhe pakënaqësi lidhur me veprimtarinë e SPAK. Në studion e News24, Ngjela tha se SPAK u krijua për të goditur korrupsionin e niveleve të larta, detyrë që nuk e ka kryer.
“Keni parë ju që SPAK të hetojë ish-Kryeministra, ish-zv.kryeministra, Kryeministra e zv.kryeministra? Nuk ka bërë detyrën, ky është korrupsioni i nivelit të lartë”, tha Ngjela. Sipas tij, duhet pritur për të parë se çfarë do të ndodhë në të ardhmen, por ambasadorja amerikane e ka thënë: janë të trembur.
Ngjela nuk i konsideron aspak si luftë ndaj korrupsionit të nivelit të lartë hetimet ndaj kryebashkiakëve apo ish-kryebashkiakëve.
“Kam takuar zyrtarë të lartë ndërkombëtarë dhe më kanë thënë që do bllokojmë 3-4 mld dollarë në llogari offshore dhe do ua kthejmë shqiptarëve.
I kemi parë ju vilat e këtyre zyrtarëve të lartë dhe ish-zyrtarëve, ato vilat luksioze qindra mijëra euro? Ku i kanë gjetur paratë këto? Ja këto duhet të hetojë SPAK”, tha Ngjela.
Discussion about this post