Avokati Spartak Ngjela komentoi në studion e Top Neës zhvillimet në Partinë Demokratike dhe rikthimin e Lulzim Bashës në krye të PD zyrtare.
Ngjela tha se duhet parë se si do të sillet Basha, a do e hapë partinë ndaj intelektualëve apo jo, por edhe se si do të reagojnë ndërkombëtarët.
“Ai që e përçau PD-në është Sali Berisha. E veçanta e kësaj partisë së Bashës është se ata i pranon Uashingtoni. Berisha nuk mund vijë në pushtet nëse është “non grata”. Ndaj edhe Berisha duhet të tërhiqet, në mënyrë që PD të bashkohet e forcohet.
Janë 3 parti, kush mund të fitojë nga këto? Janë pasionet e liderëve që kanë shkatërruar partinë”, tha Ngjela. Sipas tij, opozita duhet të bëjë llogaritë se si do të mund të bashkohet, ndërsa Berisha duhet të mendojë që me tërheqjen e tij, sa do i shërbejë bashkimit dhe se si mund të sillet Partia Demokratike me të.
Discussion about this post