Ngjela: Tahiri u tregua dinjitoz, plotësoi 5 kushtet ndaj e liruan

Avokat Spartak Ngjela u shpreh se lirimi nga burgu i ish-ministrit të Brendshëm Saimir Tahiri erdhi pasi nuk u provuan akuzat për korrupsion.

Ngjela tha se nëse Tahiri ka plotësuar 5 kushtet e depozituara në Gjykatë, duhej të lirohej pasi në këtë vendim ka ndikuar dhe sjellja e tij si ministër.

“Nuk ia provuan dot korrupsioni, vjedhja dhe e dënuan për shpërdorim detyre dhe ai e bëri. Nuk mund t’i kërkohet dënim me vdekje. Nëse ka plotësuar 5 kushtet do dali patjetër. Nuk është lirim me kusht, por benefit që e përfitojnë ata që kanë probleme shëndetësore, i ka ngelur një masë e vogël dënimi”, tha Ngjela.

Tahiri e fitoi lirinë për shkak se ka qenë zyrtar i lartë? A iu duket sikur gjykata funksionon me dy standarde?

Nuk di si vepron gjykata, por në konsideratë merret edhe sjellja e tij duke qenë si ministër i Brendshëm por dhe trajtimi i njerëzit dhe popullit. Raporti i tij lidhur me forcën ndaj shqiptarëve, ai ka pranuar kërkesat e popullit dhe ka pasur sjellje të mirë. Çfarë do ti bënte Tahirit edhe një vit burg, asgjë.

Është lirimi i Tahirit një pakt me politikën?

Atë e ka gjykata në dorë, jo politika. Ai mori përsipër fajin. Ai u tregua dinjitoz. Nuk implikoi njeri pasi ligji kapte vetëm atë.