Ish-lojtari i Tiranës Michael Ngoo pritet që të rikthehet sërish te bardheblutë e kryeqytetit. Klubi i Tiranës duket se e ka arritur marrëveshjen me anglezin dhe ai pritet të vijë së shpejti në Shqipëri.
Duhet theksuar se Ngoo njihet si person pak problematik dhe deri në firmosjen e kontratës, me të nuk është asgjë e vendosur.
Nga ana tjetër, 25-herë kampionët e vendit duken të vendosur dhe të bindur se së shpejti shtatlarti do të bashkohet në stërvitje me skuadrën për të startuar sezonin e ri futbollistik në vend.
Me afrimin e Michael Ngoo Tirana do të mbyllte merkaton e verës, për të nisur që sezon që shpresohet të jetë shumë ndryshe nga ky i fundit.
Ngoo ka luajtur për plot 3 sezone rresht më këtë klub dhe do e ketë shumë e lehtë përshtatjen me klubin, pasi ka njoheje të mirë për mënyrën e funksionimit aty, duke theksuar se ishte një nga emrat me më shumë kontribut në arritjen e titullit kampion në sezonin 2019-2020./Sportzona.al
