Ngrica në fushë, Islandë -Turqi rrezikon shtyrjen

Ndeshja e Ligës së Kombeve, Islandë-Turqi, e planifikuar për tu luajtur këtë të hënë, mund të shtyhet për një datë tjetër.

Shkak për këtë, janë bërë temperaturat e ulëta në Islandë. Mediat turke raportojnë ndër të tjera, se në disa pjesë të fushës ka ngrica, pas temperaturave nën zero.

Islandezët tentuan të mbulojnë fushën, për shkak se nuk kanë sistem ngrohje, por kjo duket se nuk ka funksionuar dhe ndeshja është drejt shtyrjes.

Vendimi përfundimtar do të merret pasi inspektorë te UEFA-s të shikojnë nga afër fushën. Islandë-Turqi, ishte planifikuar te luhet në orën 20:45, por mbetet të shihet se çfarë do të vendoset.