Policia ka vënë në pranga ditën e sotme, 30-vjeçarin i cili dje tronditi Fierin, pasi qëlloi me breshëri plumbash ndaj një makine që ishte parkuar para shtëpisë së tij. Mësohet se shtetasi Andrea (Martin) Çrraga është arrestuar nga policia e Fierit pas disa orëve kërkim.
E gjithë zanafilla e ngjarjes ka nisur dje, ku autori u nxeh me fqinjin se kishte parkuar mjetin para derës së tij edhe pse e kishte paralajmëruar që të mos e bënte, ndaj dhe e qëlloi me armë zjarri. Më pas, u largua nga vendi i ngjarjes, e duke përfituar nga errësira ka arritur të fshihej në pyll dhe të strehohej më pas në një banesë të pabanuar të një familjari të tij. Mirëpo Policia ka mundur që ta pikasë dhe të vendosë në pranga, duket gjetur dhe armën me të cilën ka qëlluar 30-vjeçari.
Sipas informacioneve të publikuara në njoftimin e policisë, Çrraga ishte person me precedentë të mëparshëm penalë. Fatmirësisht në makinën e shtetasit M.S, 64 vjeç nuk ka pasur persona të pranishëm dhe kështu janë shënuar vetëm dëme materiale.
Discussion about this post