Babloku po vjedh me ish-drejtorët hajdutë të LSI, që i çonin thasët Ilir Metës; të cilët i ka rekrutuar e emëruar drejtorë të “rilindjes” në sektorët ku qarkullojnë miliona Euro tenderë
Nëse SPAK, kërkon prova të krimit financiar që bëjnë zyrtarët e qeverisë me fondet publike, po i rekomandojmë të hetojë tenderin që ka zhvilluar Drejtoria Rajonale e Ujitje-Kullimit Lezhë më 6 korrik 2023, me objekt: “Mbrojtja nga Lumi Drin e fshatit Juban-Guri i Zi në Shkodër”.
Sipas njoftimit zyrtar të shpalljes së firmës fituese dhe firmave të skualifikuara, konstatohet se është kryer vjedhje, vetëm duke abuzuar me vlerën e ofertave, pa llogaritur vlerën e fondit limit, paracaktuar me 60% me tepër se kostoja reale e punimeve.
Në këtë tender me vlerë fondi limit 822 milionë e 479 mijë lekë të vjetra pa TVSH, kanë marrë pjesë 13 firma e bashkim firmash, nga të cilat fituese është shpallur firma kosovare “Eurokos Holding-Dega Shqipëri, me pronar Ylber Shamolli e administrator Ismet Rexha, e cila në këtë tender ishte bashkë me firmat “Abi Kons” e “2 Z Konstruksion”.
Ky bashkim firmash, u paraqit në tender me ofertë financiare 788 milionë e 687 mijë lekë të vjetra pa TVSH, ose 33 milionë e 792 mijë lekë të vjetra më pak se fondi limit, që është 4.1% më pak se fondi limit. Dy firmat “Rroku GUEST” dhe “SHPRESA-AL” që morën pjesë bashkë në tender, u paraqitën me ofertë financiare 474 milionë e 515 mijë lekë, ose 347 milionë e 964 mijë lekë të vjetra pa TVSH me pak se fondi limit, që është 42.3% më pak se fondi.
Sipas llogaritjes, firmat “Rroku GUEST” e “SHPRESA-AL” kanë marrë përsipër të kryejnë punimet e mbrojtjes së fshatit Juban nga lumi Drin, me 410 milionë lekë të vjetra më pak se fondi limit, ose me 314 milionë lekë më pak se firma e shpallur fituese “Eurokos Holding” bashkë me firmat “Abi Kons” e “2 Z Konstuksion”.
Oferta të ulëta me vlerë 400 milionë lekë pa TVSH më pak se fondi limit, paraqitën edhe firmat “Jubica Shpk” e dy firmat “S.M.O.UNION” dhe “Blerimi Sh.p.k.”, por u skualifikuan.
Sepse kështu vendosi Nikolin Prendi, Drejtori Rajonal i Ujitje-Kullimit Lezhë për krejt Rajonin Verior, që varet nga ministresha Frida Krifca, ndërsa më parë ka qenë Drejtor i Shërbimeve në Bashkinë e Lezhës, si militant e hajdut i LSI, i cili i pëlqeu Bablokut për “shkathtësinë” dhe e emëroi drejtor qeverie.
Gjatë detyrës si drejtor në bashki, Nikolin Prendi nuk urdhëronte pastrimin e kanaleve që të përmbytej qyteti, mbasi me kryetarin Viktor Tushaj të LSI, akordonin e vidhnin miliona lekë me letra false, për gjoja evitimin e përmbytjeve.Nuk e dimë, se çfarë lidhjesh ka Nikolin Prendi, tashmë drejtor i “Rilindjes”; me firmat “Abi Kons” e “2 Z Konstuksion”, por dimë që me pronarin Ylber Shamolli të firmës kosovare nga Ferizaj “Eurokos” që i dha tenderin 410 milionë lekë më tepër se oferta më e ulët, Nikolini ka biznesin “N.T.P. Fruta-Lezha-Fabiani” në të njëjtën adresë në Ferizaj./Pamfleti
Discussion about this post