Krye parlamentarja, Lindita Nikolla, ka komentuar gjatë një interviste televizive deklaratën e Ramës për krizën energjitke. E zënë ngushtë nga pyetja se pse po ngrihet çmimi i energjisë në vend, ajo është justifikuar duke thënë se nuk po ndodh vetëm në vendin tonë.
“Është një krizë e cila po përballet e gjithë bota, për shkak të ndryshimeve klimatike, për shkak të rritjes së nevojës për energji. Pra janë një sërë shkaqesh që kanë çuar në një rritje ka të madhe. Kjo është një situatë që nuk ndodh vetëm në Shqipëri. Por në sajë edhe të asaj që kryeministri tha, pritet që të trajtohet sërish kjo situatë. Për sa kohë është një fenomen me të cilin po përballen edhe vendet e zhvilluara patjetër edhe Shqipëria jonë e vogël mbetet e prekur dhe mbetet të shohim se cili do të jetë reflektimi nga ana e qeverisë”, u shpreh Nikolla.
Kujtojmë se pas deklaratës së Ramës reagimet kanë qenë të shumta, madje opozita akuzon se kjo deklaratë ishte për të justifikuar shkeljet që ka bërë qeveria.
E.H
