Kryeparlamentarja, Lindita Nikolla, deklaroi se do të marra masa pas publikimit të dokumenteve nga Autoriteti i Dosjeve, ku në to thuhej se një politikan me iniciale I.M ka qenë pjesë e SHISH. Aludimet dhe akuzat kanë qenë mbi Ilir Metën, kështu ky i fundit ka dalë në konferencë ku i jep përgjigje Nikollës. Ai thotë se nuk e merr fare për bazë ngritjen e Parlamentit, kur ajo mbledhje drejtohet nga një person si Nikolla, e cila përdoret nga Rama për interesat e tij personale. Sipas tij, nuk ka asnjë vlerë Parlamenti i ngritur nga dikush që del me mesatare 5.
“Patjetër u ngrit Parlamenti në këmbë. Po cili Parlament? Ai me në krye zonjën Nikolla, apo Lindita e Ramës në Parlament që përdoret për nevojat personale të tij, siç është urgjenca për të spostuar vëmendjen nga afera e inceneratorëve ku do të përvëlohen të gjithë…Parlament patronazhistësh, me një opozitë plot me Lulushë. Po cili Parlament qenka shqetësuar për këtë çështje? Ky Parlament që falsifikoi e firmën e kryetarit të Parlamentit në një moment të rëndësishëm të shtetit shqiptar, kur vijohej gjyqi kundër presidentit të Republikës…Lindita e Parlamentit përdoret për nevojat personale të hallexhiut Esatit, për të shmangur vëmendjen. asnjë komunikim nuk kam pasur me Autoritetin, po përderisa del pula e Kuvendit , unë e kam respektuar. Turp i madh! Faqe e zezë, unë e kam respektuar, po ca me mesatare 5.ca. E këputën dhe atë të gjatin”, deklaroi Meta.
Kujtojmë se ditën e sotme Nikolla zhvilloi një mbledhje me krerët e grupit parlamentar në lidhje me këtë çështje, por pa dhënë detaje dhe pa përmendur emra rreth dokumenteve.
Discussion about this post