Pas humbjes së zgjedhjeve të pjesshme, grupi parlamentar i Partisë Demokratike ka zhvilluar një mbledhje ku është shoqëruar me debate të forta. Deputetët kanë piketuar kryetarin e PD-së si shkaktari kryesor i humbjes së thellë në 6 bashkitë. Gjatë mbledhjes gjithashtu është hedhur jo pak herë ideja e bashkimit me demokratët që janë pozicionuar në krah të ish-kryeministrit Sali Berisha.
Deputeti i Shkodrës, Helidon Bushati ka propozuar që të ngrihet një Kongres Pajtimi për t’u ribashkuar me përkrahësit e Berishës. Por ditën e sotme, nipi i Sali Berishës, Dritan S Berisha ka reaguar ashpër në Facebook ndaj deputetëve të cilët gjatë protestës së 8 janarit ishin përkrah Lulzim Bashës. Në mesazhin e tij Dritan Berisha shkruan se për ata që ishin në atë protestë dhe që hodhën gaz ndaj përkrahësve të ish-liderit historik nuk do të ketë falje, madje nuk ka kursyer kërcënimet dhe ofendimet.
“Atyre deputetëve që më 8 janar ishin brenda zyrave të PD dhe na mbytën me gaz helmues e polici, duhet me ja sh** tan robt e shpisë e jo me i fal. Unë i pari veç mos më dalshin para syve se kam me i dh**e” – shkruan Dritan Berisha.
Discussion about this post