Deputet i Partisë Socialiste, Rrahman Rraja ka reaguar për ngjarjen ku i përfshirë në grabitjen me armë në një lokal të Lezhës, rezultoi dhe nipi i tij, Ramazan Rraja.
Në një prononcim për Faxnews, deputeti tha se kishte 3 muaj që nuk kishte folur me nipin e tij, ndërsa shtoi se e dinte që ai ishte jashtë Shqipërisë.
“Kam tre muaj që nuk kam asnjë kontakt, nuk e dija që ishte i përfshirë në këtë ngjarje. Unë e di se ai është jashtë shtetit”, është shprehur deputeti Rrahman Rraja. 28-vjeçari bashkë me dy persona të tjerë tentuan të rrëmbenin një person dhe u futën në lokal me maska e të armatosur”, ka deklaruar deputeti.
Policia e Shtetit ka konfirmuar se menjëherë pas ngjarjes së ndodhur në 13 nëntor në Zejmen të Lezhës, Ramazan Raja dhe dy shokët e tij janë larguar nga Shqipëria. Nuk dihet nëse deputeti Rraja nuk ka realisht informacion se ku ndodhet nipi i tij, ose po përpiqet ta ndihmojë duke fshehur vendndodhjen dhe mbajtur larg hekurave të burgut.
Discussion about this post