Ka nisur mëngjesin e sotëm aksioni për prishjen e ndërtimeve pa leje në zonën e Ksamilit. Nga pamjet shihet se operacioni ka nisur me objektet që janë fare pranë bregdetit.
Janë me dhjetëra objekte në Ksamil, të cilat janë në plan për t’u prishur. Operacioni për prishjen e ndërtimeve pa leje u njoftua nga kryeministri Edi Rama pak ditë më parë.
Paralelisht me Ksamilin, aksioni për prishjen e objekteve pa leje ka nisur edhe në Velipojë.
Në terren të pranishëm janë zv/ ministri i Brendshëm Besfort Lamallari, drejtori i Policisë së Shkodër Niko Brahimaj dhe si drejtuesi i IKMT-së.
Aksioni ka nisur në afërsi të hidrovorit të Vilunit. Ndërsa forca të shumta policie ndodhen në zonë në rast incidenti të mundshëm.
