Prej disa ditësh është duke u zhvilluar aksioni për heqjen e kamerave që i shërbenin grupeve kriminale, në qytete të ndryshme të vendit.
Në bazë të urdhrit nga drejtoria e përgjithshme e policisë për kontrollet e kamerave, të cilat janë vendosur në mënyrë të jashtëligjshme, edhe drejtoria vendore e policisë së Korçës është duke identifikuar rastet e shkeljes
Deri në këto momente janë hequr 31 kamera në qytetin e Korçës dhe atë të Pogradecit, ku shkelësit e ligjit do të ndiqen dhe penalisht. Kontrollet do të vijojnë edhe në qytetet e tjera të juglindjes dhe nëpër fshatra.
Gjatë ditëve të fundit vetëm në Shkodër janë hequr 59 kamera, ndërsa ky aksion u shtri edhe në Vlorë, ku policia bën me dije se ka çmontuar 16 kamera të vendosura në rrugët e qytetit, që dyshohet se janë vepër e kriminelëve.
Discussion about this post