Ka nisur këtë të premte ceremonia e përkujtimit të 113-vjetorit të Shpalljes së Pavarësisë në Vlorë. Gjatë ceremonisë është parë të mbërrijnë Kryeministri Edi Rama, Presidentja e Kosovës Vjosa Osmani, Presidenti i Republikës Bajram Begaj, Kryetari i Kuvendit Niko Peleshi dhe Kryetarja e Bashkisë së Vlorës Bruna Mersini.
Përkujtimi ka nisur në Memorialin e Pavarësisë në Vlorë, në sheshin e “Flamurit”.
Sipas protokollit, ceremonia ka filluar me intonimin e Himnit Kombëtar dhe më pas do të vijojë me homazhet në memorialin e Ismail Qemalit, simbolit të Pavarësisë.
Qytetarë të Vlorës, si edhe shumë shqiptarë nga Kosova, kanë mbërritur në shesh për të festuar 113-vjetorin e Shpalljes së Pavarësisë.
Qindra qytetarë nga Kosova kanë zgjedhur Shqipërinë për të kaluar festat kombëtare. Të ardhur me mjete private, por edhe të organizuar në grupe të mëdha, shumica prej tyre kanë kaluar nëpër Pikën Kufitare të Morinit, e cila sot ka shënuar fluks të lartë udhëtarësh.
Discussion about this post