Evakuimi i ushtarëve të plagosur ka filluar mbrëmjen e sotme dhe deri më tani kanë mbetur brenda fabrikës së çelikut Azovstal në Mariupol. Operacioni vjen pas marrëveshjes për hapjen e një korridori humanitar të rënë dakord mes Rusisë dhe Ukrainës. Ai vjen pas javësh rrethimi rraskapitës. Tani mundësia e shpëtimit bëhet konkrete edhe për luftëtarët e plagosur të barrikaduar në bunkerë.
Gjithashtu, mbi 10 autobusë të cilët transportonin luftëtarët ukrainas që prej javësh qëndronin të ngujuar në fabrikën e çelikut në Mariupol janë larguar nga vendi. Lajmi nuk është konfirmuar nga autoritetet ukrainase dhe BBC raporton po ashtu se nuk ka mundur që ta verifikojë rastin në mënyrë të pavarur.
Një komandant i lartë i forcave ukrainase në fabrikën e rrethuar ka bërë me dije se më herët në një postim në mediat sociale se luftëtarët po zbatonin një vendim nga komanda e lartë ushtarake ukrainase për të shpëtuar jetën e personelit të shërbimit, por nuk dha detaje se cili ishte vendimi.
Kujtojmë se më herët gjatë ditës së sotme, ministria ruse e Mbrojtjes tha se kishte arritur një marrëveshje me Ukrainën që ushtarët e plagosur të evakuoheshin nga fabrika e rrethuar e çelikut Azovstal.
Discussion about this post