Ka nisur Foltorja e Partisë Demokratike përpara Kryeministrisë. Kreu i PD, Sali Berisha, sapo ka mbërritur në sheshin para godinës së qeverisë, shoqëruar nga deputetë të PD.
Deputetja e PD, Albana Vokshi, është e para që mori fjalën, ku vuri theksin në faktin që PD dhe kreu i saj Sali Berisha ka gjetur mbështetje nga ndërkombëtarët.
Ajo ka ndarë disa nga ngjarjet më të rëndësishme sa i përket takimeve të PD me ndërkombëtarët.
Nderkohe Lëvizja “Shqipëria Bëhet” u largua me forcë nga sheshi para Kryeministrisë, ku po protestojnë prej një jave dhe kërkojnë dorëheqjen e qeverisë “Rama” pas skandalit abuziv me tenderin e tunelit të Llogarasë të zv/kryeministres Belinda Balluku, e marrë e pandehur nga SPAK dhe nën masë sigurie pezullim nga detyra dhe bllokim pasaporte prej GJKKO-së.
Ata janë zhvendosur disa metra më tej, matanë Bulevardit, në krah të Kryesisë së Kuvendit, ku janë grumbulluar në rreth, duke ndezur edhe furnelat e vogla për ngrohje dhe hedhur batanije për shkak të të ftohtit.
Ata u spostuan pasi Policia ndërhyri duke krijuar gardhin e sigurisë një orë para se të niste Foltorja e PD-së dhe liderit të saj Sali Berisha, që gjithashtu kanë të njëjtat kërkesa, dorëheqjen e qeverisë pas skandalit “Balluku”.
gijotina.com/
Discussion about this post