Largimet e futbollistëve titullarë nga Kukësi, pas rënies së skuadrës verilindore në Kategorinë e parë pas 12 vitesh në elitë janë të pashmangshme. Angelo Tafas, i cili prej katër sezonesh ka mbrojtur portën e Kukësit, ka njoftuar “divorcin” me ekipin verilindor nëpërmjet një rrjeteve sociale.
“Dua t’ju informoj të gjithëve se nuk jam më pjesë e F.K Kukësit. Kisha nderin dhe kënaqësinë këto 4 vite të isha lojtar dhe kapiten i kësaj skuadre.
Dua të falënderoj F.K Kukësi dhe familjen Gjici për besimin e dhënë dhe të gjithë tifozët për përkrahjen gjatë kësaj kohe. Falënderime për trajnerët, bashkëlojtarët dhe bashkëpunëtorët e tjerë në klub”, shkruan Tafas.
Discussion about this post