Pak minuta më parë ka nisur mbledhja e radhës e seancës plenare, ndërsa ajo që ka rënë në sy është se ish-kryeministri Sali Berisha ka kërkuar 1 minutë heshtje. Berisha tha se me këtë veprim kërkoi që të nderohen ata të cilët kanë vdekur në burgjet shqiptare në ditët e fundit. Ai tha se dënon me forcë dhe kërkon hetim për rastet e vdekjes në komisariatin e Kamëz dhe më pas për vdekjen e Ilvi Metës në burgun e Kavajës.
“Denoncoj vdekjet në qelitë e zeza në një hark kohor 5 javor. Në Kamëz dhe Kavajë. Humbin jetën, vriten apo vetëvriten dy të rinj. Duke dënuar me ashpërsinë më të madhe vrasjet, iu ftoj të nderojmë me një minutë heshtje të gjithë ata që vdiqën në qelitë e narkoregjimit shqiptar”, tha Berisha. Kujtojmë se pak javë më parë në Kamëz humbi jetën një i burgosur pasi i vetë dogj, ndërsa në burgun e Kavajës u vetëvar Ilvi Meta.
Discussion about this post