Ka nisur me një minutë heshtje mbledhja e Kuvendit Kombëtar të Partisë Demokratike ditën e sotme në Pallatin e kongreseve.
Demokratët qëndruan një minutë në heshtje, në nderim të viktimave të covid-19 në vendin tonë. Në nisje të fjalës së tij, Basha tha se Shqipëria pati koston më të lartë të jetëve të humbura në krahasim me vendet e tjera të Europës, për shkak të keqmenaxhimit të qeverisë së Edi Ramës.
“Të dashur demokratë dhe demokrate, të dashur mbështetës e simpatizantë, të nderuar anëtare dhe anëtare, të dashur bashkëqytetarë, të rinj dhe të reja, jam krenar që ndodhem mes jush në këtë sallë që e lartësoni dhe e zbukuroni me mbështetje. Ju ftoj që të mbajmë një minutë heshtje për jetët e humbura për shkak të COVID-19. Zoti iu dhënte paqe shpirtrave të tyre dhe iu dhëntë forcë familjeve të tyre. Një bilanc tragjik që bëhet edhe më pikëllues prej indinjatës, ku lotëve të familjarëve, iu kundërvihet propaganda e qeverisë. Kur shqiptarët kishin nevojë për ndihmë, iu ofruan gjoba”, tha Basha.
