Deputeti i PD-së, Asllan Dogjani reagoi sot gjatë seancës në Kuvend, duke u ngritur nga vendi i tij në Kuvend e duke shkuar drejt Foltores për të kërkuar të drejtën e fjalës. Dogjani nuk u la të fliste nga kryetarja e Kuvendit, Lindita Nikolla, e për pasojë, ai filloi të fliste nga vendi, pa mikrofon.
E më tej, u nis drejt foltores. Në acarim e sipër, ai i ra me grusht foltores, duke bërë që pranë tij të afrohet edhe Garda. Pas këtij momenti, Nikolla i dha fjalën.
“A e dini që atje po vriten njerëz? Unë kam kërkuar në seancën e kaluar që Kuvendi të mbajë një qëndrim, janë marrë 3 policë peng në Kosovë, kemi një kryeministër që sillet si shefi i OKB-së. Të vijë këtu në Kuvend dhe të japë llogari për draftin që ka dërguar në BE dhe SHBA për konfliktin në Kosovë.
Është e turpshme që Kuvendi nuk ka pasur asnjë qëndrim për situatën në Kosovë, deri në fund të kësaj seance duhet të dalim patjetër ne një qëndrim.”, tha Dogjani.
Pas fjalës së tij, deputeti u ul në vendin e caktuar në Kuvend.
Discussion about this post