Ka nisur takimi ndërmjet kryeministrit të Kosovës, Albin Kurti me përfaqësuesin e Lartë të Bashkimit Evropian për Politikë të Jashtme dhe Siguri, Josep Borrell dhe të dërguarin e posaçëm të Bashkimit Evropian për dialogun Kosovë-Serbi, Miroslav Lajçak.
Takimi po zhvillohet në Bruksel. Më herët, Borrell dhe Lajçak patën takim me presidentin e Serbisë, Aleksandër Vuçiç.
Pas takimeve bilaterale, do të pasojë takimi i përbashkët me Kurtin dhe Vuçiç.
Në përfundim pritet të ketë edhe një deklaratë për mediat nga Përfaqësuesi i Lartë i BE-së Borrell, i cili do të shpalosë detaje rreth takimit mes tyre. Kjo është hera e parë që liderët e dy shteteve takohen që prej muajit maj dhe i pari që vjen që prej përshkallëzimit të situatës në veri të Kosovës.
Tensionet në veri të vendit sollën edhe një sërë sanksionesh të Kosovës. Ndërkombëtarët dhe opozita ka drejtuar gishtin ndaj qeverisë Kurti për situatën e shkaktuar. Megjithatë, pas masave ndëshkuese, qeveria u tërhoq duke pranuar mundësinë për zgjedhje të reja me praninë e serbëve.
Discussion about this post