Ish-kryeministri Sali Berisha është nisur për në selinë, ku do t’ju bashkohet protestuesve për të marshuar drejt Kryeministrisë, nga ku do të mbajë dhe një fjalim. Në një prononcim për mediet ai e ka konsideruar këtë si protestën më të fuqishme të parë në vend, kundër qeverisë, duke e quajtur Ramën si kreun e Meduzës.
Sipas tij, ne nuk duhet ta pranojmë “Open Balkan” sepse na mbanë larg integrimit në BE dhe kundërshtohet nga vende të tjera të Ballkanit Perëndimor. “Dua të përshëndes shumë përzemërsisht të gjithë shqiptarët sot që bashkohen në protestën e parë më të fuqishme për mbrojtjen e interesit kombëtar të shkelmuar nga regjimi i kreut të Meduzës, Edvin Rama. Jemi kundër aleancës trilaterale Beograd-Tiranë-Shkup. Është kundër kësaj aleancë të mishëruar në atë që quhet Ballkan i Hapur, por në fakt kundërshtohet nga 3 vendet e tjera të Ballkanit, por konsiderohet aleancë e rrezikshëm dhe nga Kroacia. Kemi të bëjmë me një qëndrim për mbrojtjen e interesit kombëtar të shqiptarëve që është integrimi në BE. Kjo nisëm i kundërvihet në mënyrë të paskrupullt nismës së Berlinit, e frymëzuar nga Aleksandër Vuçiç, dhe vëllai i tij siamez, Edi Rama”, tha ai, ndërsa iu bëri thirrje shqiptarëve të bashkohen në protestë.
Discussion about this post