Ka nisur seanca plenare në Kuvend, e cila është thirrur nga kryetarja e re e Kuvendit, Lindita Nikolla. Kryeparlamentarja Lindita Nikolla është shfaqur plot emocione në ditën e saj të parë të punës së re, teksa lexonte emrat e anëtarëve të Komisioneve të ngritura, Nikolla bëri gafa shumë herë dhe ngatërroi disa emra.
Nikolla, nuk po gjente më listën me emrat që i duheshin.
“Hajde më ndihmo pak, ti…o vajzë hajde moj më ndihmo, për integrimin, ma gjej pak këtu integrimin, ku është,”- u dëgjua të thoshte Nikolla.
Në rend dite është caktuar edhe miratimi dhe ndarja e deputetëve në komisionet parlamentare siç janë propozuar nga partitë e tyre.
