Ditën e sotme po numërohen 10% të kutive të votimit në disa qendra votimi në vend. Sipas vendimit të Komisionit Qendrorë të Zgjedhjeve Janë 519 kuti votimi që do të rinumërohen në kuadër të ankesave të evidentuara nga zgjedhjet e 25 prillit.
Kutitë do të hapen dhe do të rivlerësohen që nga numri i votave e deri te procesverbalet. Ky rinumërim bëhet për ti dhënë përgjigje arsyes se përse pati një numër të lartë të fletëve të pavlefshme gjatë zgjedhjeve, mbi 83 mijë votave.
Këto kuti janë në disa qarqe të ndryshme, por pjesa më e madhe e tyre i përkasin Tiranës, ku ka qenë dhe debati më i nxehtë mes Partisë Socialiste dhe Partisë Demokratike.
