Ka nisur takimi mes partive të opozitës me qëllim krijimin e konfederatës së bashkuar.
Në takim marrin pjesë Partia Demokratike, Balli Kombëtar, Partia e Bashkimit Liberal Demokrat, Partia Demokristiane, PAA, PR, PBDNJ, Partia e Lirisë, FRD, Partia Balli Kombëtar Demokrat, Lëvizja e Legalitetet, Bashkimi Demokrat Shqiptar
Kryetari i Partisë Agrare Ambientaliste, Agron Duka u shpreh se nëse opozita bashkohet, patjetër që ajo bëhet shumë më e fortë, dhe shprehu besimin se kësaj nisme do t’i bashkohen edhe parti të tjera.
“Sot mblidhemi për të formalizuar bashkimin e opozitës. Disa kohë më parë partitë aleatë kanë paraqitur një platforme bashkimi. Ne i kemi bërë ftesë të gjithë partive opozitare, shumica iu janë përgjigjur, të tjerat ndoshta shpresoj ti përgjigjen ftesës. Besoj që të gjithë jemi dakord se nëse bashkohemi jemi të fortë përballë një megamazhorance. Bashkimi bëhet rreth ideve dhe jo individëve, që të ndërtojmë një axhende të përbashkët opozitare si dhe ideve që na bashkojnë siç është reforma zgjedhore”, tha Duka.
Ndërsa kreu republikan fatmir Mediu tha se duke marrë në konsideratë situatën me qeverinë e korruptuar, duke vlerësuar si etike angazhimin, duke marrë në konsideratë mosrespektimin e të drejetave të qytetravëve, duhet rikthim i pluralizmit.
“Duke qenë të ndërgjegjshëm, për t’iu përgjigjur sidave të sigurisë, është me rëndësi që të ndërhyhet. Duke parë me shqetësim braktisjen e vendit nga të rinjtë, dhe rrëshqitjes së vendit drejt një qeverisje autoritare, duke parë të rëndësishme votimin e diasporës në zgjedhje, mohimin e të drejtave kushtetuese të opozitës në Kuvend, apo mungesat e zgjedhjeve të lira, nevojitet që opozita të ngrihet mbi përgjegjësitë e saj dhe të kalojë debatet. Deklarojmë; institucionalizimin e federatës së bashkuar, sipas parimit për të ndërtuar një Shqipëri Europiane”, theksoi ai.
Discussion about this post