Vendimi i Lionel Messit për të udhëtuar drejt Argjentinës edhe pse është i dëmtuar në gju, duket se nuk i ka pëlqyer aspak klubit të Paris Saint-Germain. Drejtori sportiv i PSG-së, Leonardo, ka këmbëngulur se klubi nuk është dakord me zgjedhjen e Messit.
34-vjeçari argjentinas thuhet se ka përfshirë një klauzolë në kontratën e tij me PSG-në që i lejon atij t’i japë përparësi ndeshjeve të Kombëtares së tij.
Raportohet se Messi dëshiron të luajë në ndeshjet e Argjentinës përpara Kupës së Botës 2022 në Katar pa shkaktuar probleme mes klubit dhe vendit.
Dhe Leonardo nuk është i emocionuar nga ideja që Messi dhe Leandro Paredes të nisen për detyrën ndërkombëtare gjatë pushimeve ndërkombëtare të nëntorit.
“Ne nuk pranojmë të lëmë një lojtar të shkojë me përzgjedhje, i cili, për ne, nuk është në gjendje fizike ose që është në fazën e rehabilitimit. Nuk është logjike dhe këto lloj situatash meritojnë një marrëveshje reale me FIFA-n”,- tha ai për ‘Le Parisien’.
Shoku i skuadrës së Messit në Argjentinë, Paredes ka qenë jashtë fushës për PSG-në që nga tetori po ashtu për shkak të një dëmtimi në kofshë, por ai do të niset me ish-kapitenin e Barcelonës për detyrën ndërkombëtare.
Ekipi mjekësor i Argjentinës pritet të vlerësojë Messin dhe Paredes përpara ndeshjeve kualifikuese të ‘Albiceleste’ për Kupën e Botës kundër Uruguait dhe Brazilit./K.T/Gijotina.com
Discussion about this post