Lulzim Basha është kthyer në personazh barcoletash, sipas këndëvshtrimit të ish-presidentit Bujar Nishani. Ky paralelizëm i ashpër vjen pasi Nishani u shpreh se situata në PD ka degraduar dhe kjo parti është në situatën më kritike të saj.
Basha ka mbërritur në një pikë që është për të ardhur keq. Basha është kthyer në subjekt barceletash. Këtë gjë PD nuk e meritonte. Basha do kishte bërë mirë që të ikte me kohë, që të ruante së paku imazhin e tij, të mos prekte imazhi fundin e vet, më së paku”, u shpreh Nishani.
Sipas Nishanit, ana tjetër PD është edhe në pozitën më të mirë opozitare historike, duke iu referuar Kuvendit Kombëtar.
“Situata në PD ka degraduar. PD nga njëra anë është në situatë kritike, nga ana tjetër është në pozitën më të mirë opozitare historike. Kuvendi Kombëtar do të mbledhë shumicën e anëtarëve të PD-së. Do jetë hera e parë që do të ushtrohet vota e drejtpërdrejtë në demokraci.”
Kuvendi Kombëtar i Partisë Demokratike do të mbahet në 11 nëntor, pas kërkesës së ish kryeministrit Sali Berisha.
Discussion about this post