Arrestimi i dy vëllezërve Indrit dhe Gentian Beqiraj solli prangosjen e 13 personave të tjerë.
Gjithashtu 5 shtetas janë shpallur në kërkim pas ngjarjes. Por e gjithë ngjarja nuk ka ngelur me kaq, pasi në skenë kanë dalë dhe disa krime të rënda.
Bëhet fjalë për vrasje me pagesë që janë kryer në Tiranë dhe në Durrës ndër vite. Gazetari Dritan Laçi në emisionin “Shqipëria LIVE” ka zbardhur lidhjet mes Kasandër Nogës dhe Geron Hasanbellit.
Ai ka shpjeguar dhe arsye se përse Noga kishte paguar vëllezërit Beqiraj për të vrarë Hasanbelliun.
Sipas tij, gjithçka ishte për hakmarrje dhe ka nisur që prej vitit 2000.
“Erion Hasanbelli kur ishte ne Itali i dha Mariglen Hodaj një shumë parash per t’ia çuar në Patos babait të tij, Aqifit. Marigleni nuk i dorëzoi paratë. Vëllezerit Hasanbelli i kërkuan llogari dhe e vranë. Kasandër Noga dhe Julian Çela shkuan në Sanatorium, aty ku Geron Hasanbelli ishte shtruar me emer të rremë, dhe vranë babain e tij dhe një person tjeter, po ashtu plagosën tre të tjerë. Kjo quhet Masakra e Sanatoriumit. Më pas Noga dhe Hasanbelli u përplasën në Belgjikë.”- deklaroi ai.
Discussion about this post