Zëvendëspresidenti i Juventusit, Pavel Nedved takoi Mino Raiolën në Torino mbrëmjen e së hënës dhe agjenti i Paulo Dybala gjithashtu ka mbërritur për të finalizuar zgjatjen e kontratës së sulmuesit.
Ditë të ngarkuara në Continassa ku Juventus po përgatitet për afatin kalimtar të janarit. ‘Bardhezinjtë’ janë tetë pikë prapa një vendi në Champions League dhe kanë synuar një sulmues dhe një mesfushor qendror për afatin kalimtar të dimrit.
‘Gazzetta dello Sport’ ka publikuar një foto të Raiola dhe Nedved duke darkuar në një restorant në Torino.
Raiola ishte përfaqësuesi i Nedved gjatë karrierës së tij si lojtar dhe agjenti ka qenë afër Juventusit gjatë dekadës së fundit, duke përfunduar shumë marrëveshje me gjigantët e Serie A. E fundit ishte rikthimi i Moise Kean në Allianz Stadium nga Everton.
Të tillë si Matthijs de Ligt dhe Luca Pellegrini janë gjithashtu në listën e klientëve të Raiola. Sipas raportimit, mbrojtësi holandez mund të largohet verën e ardhshme nëse Juventus nuk arrin të kualifikohet në Champions League.
Raiola nuk është agjenti i vetëm me të cilin takohen Juventusi.
Përfaqësuesi i Paulo Dybala, Jorge Antun, ka mbërritur gjithashtu në Torino për të finalizuar zgjatjen e kontratës së La Joya.
Marrëveshja e Dybala në Allianz Stadium skadon në fund të sezonit dhe ai do të nënshkruajë një marrëveshje të re prej 8 milionë euro në vit deri në vitin 2026, me 2 milionë euro shtesa./K.T/Gijotina.com
Discussion about this post