Një ngjarje e papritur ka ndodhur këtë paradite në zonën e kontaktit mes ushtrisë së Kievit dhe forcave rebele të mbështetura nga Rusia.
Mediat ndërkombëtare raportojnë se gjatë mëngjesit të sotëm është bombarduar aeroporti i Donjeckut, qendrës administrative të këtij rajoni. Gjatë bombardimeve ka patur edhe dëme të shkaktuara në ndërtesat përreth, ndërsa Ukraina dhe rebelët akuzojnë shkëmbejnë akuza të ndërsjellat për shkakun e bombardimeve.
Ngjarja konsiderohet si problematike pasi vlerësohet si një shkak që mund të çojë Rusinë të pushtojë Ukrainën me argumentin se po mbron rusët në pjesën lindore të vendit.
Që prej 2014 Donbasi dhe Luhansku janë në duart e rebelëve të mbështetura nga Rusia pas përmbysjes së presidentit pro-rus Janukoviç. Më herët Rusia ka deklaruar se po tërheq trupat nga kufiri me Ukrainën, ndërsa britanikët dhe amerikanët thonë se rusët po bëjnë të kundërtën e asaj që thonë duke rritur prezencën e tyre në kufi.
Discussion about this post