Që prej orëve të para të mëngjesit të ditës së sotme, Policia e Tiranës ka rrethuar zonën pranë teatrit, pasi sot pritet të nisin punimet për ndërtimin e Teatrit të ri.
Për shkak të retorikës së ashpër nga Aleanca për Mbrojtjen e Teatrit dhe paralajmërimit të një proteste, duket se Policia ka marrë masa për shmangien e incidenteve, duke vendosur kordon rreth zonës.
Para nisjes së punimeve, Policia ka kryer inspektimin e zonës edhe me ndihmën e një qeni, për të garantuar se terreni është i sigurt, shkruan Topchanel. Ndërkohë, efektivët kanë ndërtuar edhe një perimetër sigurie.
Discussion about this post