Nisin sot Lojërat Olimpike në Paris, Rama pritet nga Presidenti Macron në Élysée

Kryeministri Edi Rama është pritur ditën e sotme nga Presidenti i Francës Emmanuel Macron në Paris, teksa në kryeqytetin francez do të nisin sot Lojërat Olimpike.

I shoqëruar nga bashkëshortja Linda Rama, kreu i qeverisë shqiptare është takuar me Macron, i cili ka pritur veç Ramës të gjithë liderët e vendeve pjesëmarrëse në Lojërat Olimpike Paris2024.

Në oborrin e Élysée veç Presidentit francez ka qenë edhe Zonja e Parë, Brigitte Macron, e cila ka marrë pjesë në pritjen e liderëve.