Ditën e sotme nisin në Tokio të Japonisë Lojërat Paralimpike, pra e atletëve që do tregojnë se aftësitë e tyre të kufizuara nuk janë pengesë për të konkurruar në sporte.
Këto lojëra do të hapen në mbrëmje e sotme nga perandori i Japonisë, Naruhito, por rregullat e vendosura për shkak të pandemisë së Covid-19 nënkuptojnë që shumica e 68,000 vendeve të stadiumit do të jenë bosh.
Në paralimpiadën e këtij viti do të konkurrojnë plot 4,400 atletë nga 163 ekipe. Atletët do të konkurrojnë në 22 disiplina, me badminton dhe taekuondo që përfshihen për herë të parë në këto lojëra.
Ato do të zgjasin deri më 5 shtator dhe thuajse të gjitha aktivitetet do të mbahen pa spektatorë, ndërsa nxënësit e shkollave pritet të marrin pjesë vetëm në disa prej tyre./Gijotina.com
