Një palestinez është vrarë gjatë një sulmi ushtarak izraelit pranë qytetit të pushtuar të Jerikos në Bregun Perëndimor.
Reuters raporton se forcat e ushtrisë izraelite po operonin në kampin e refugjatëve Aqabet Jabr, pranë Jerikos, pa dhënë menjëherë detaje.
Ky operacion u zhvillua një ditë pas funeralit të dy të rinjve izraelitë që u vranë të premten në një sulm palestinez në zonën e Jerikos.
Situata e dhunës në Bregun Perëndimor është përkeqësuar pasi policia izraelite mësyu në xhaminë Al-Aqsa dhe dhunoi besimtarët.
Militantët palestinezë u përgjigjën me një sulm me raketa, ndërkohë që Izraeli u kundërpërgjigj duke sulmuar me raketa Libanin dhe Gazën.
Të premten, Alessandro Parini nga Roma u vra dhe shtatë të tjerë u plagosën në një sulm terrorist me makinë në Tel Aviv.
Discussion about this post