Kryeministri Edi Rama, bashkë me disa anëtarë të tjerë të kabinetit qeveritar, kanë zhvilluar këtë të premte sesionin e 12-ë ‘online’ të nismës “Gati për Shqipërinë”.
Të rinj e të reja, por jo vetëm, që kanë studiuar e punuar në shtete të ndryshme të botës, treguan para kryeministrit planin e tyre për të kontribuar për vendin.
Klaudia Prodani, një vajzë që ka përfunduar studimet në Holandë, i tregoi kryeministrit se dëshiron të kontribuojë për anëtarësimin e vendit në BE, për këtë qëllim, atë do e ndihmonte eksperienca që ka fituar në qeverinë Holandeze dhe angazhimit në ndërmjetësimin e konfliktit në Siri.
Gëzimi: Unë jam Gëzimi, kam lindur dhe rritur në Zvicër, kam studiuar në Universitetin e Zyrihut. Unë punoj këshilltar në një kompani. Me përvojën time, jam i gatshëm të ndihmoj Shqipërinë në fushën e financave.
Daljana Duro: Unë kam studiuar në Gjermani. Kam përvoja të shumta pune. Do të kisha kënaqësinë të kontribuoja në Reformën në Drejtësi dhe adaptimin e direktivave Evropiane. Unë dua të promovoj teknologjinë ligjore, për të lehtësuar punën për punonjësit e ligjit.
Klaudia Prodani: Kam përfunduar studimet në Bullgari dhe Holandë. Kam punuar si këshilltare në qeverinë holandezë për të ndërmjetësuar në konfliktin e Sirisë. Unë do të kontribuoj në shkallë kombëtare për zhvillimin, e në shkallën Evropiane për negociatat në BE, për të përmbushur kushtet për në BE.
Kryeministri: Ju falenderoj, ju uroj shëndet, punë të mbarë dhe shpresoj t’ju takoj në përpjekjet e përbashkëta, kudo front që të jeni. Faleminerit.
