Nisma Thurrje ka reaguar lidhur me ngjarjen e ndodhur një ditë më parë në Borizanë të Krujës, ku pjesëtarë të fisit Rraja, mes të cilëve edhe dy vëllezërit dhe djali i deputetit socialist Rrahman Rraja, dhunuan barbarisht dy pjesëtarë të fisit Maja.
Nisma Thurrje akuzon Kryeministrin Edi Rama se e ka dorëzuar shtetin tek banditët, duke e kthyer Shqipërinë në shtetin e Rrahjeve.
“Të treja rastet tregojnë pushtetin që kanë këta banditë për të paralizuar shtetin. Pushtet që ja ka dhënë vetë Edi Rama.
Ka qenë Rama ai që e ka vendosur disa herë Rrahman Rrahjen në listën fituese të PS-së, duke inkurajuar pandëshkueshmërinë e rrahjeve që i bëhen njerëzve të pafajshëm.
Prandaj sot ka ardhur koha që Edi Rama ose të distancohet nga fisi Rrahja duke larguar deputetin e tyre nga grupi parlamentar i PS-së, dhe duke shkarkuar drejtuesit e policisë; ose të japë dorëheqjen, duke pranuar që nuk e qeveris dot më këtë vend.
Në të kundërt këtij populli i mbetet t’i japë vetë fund shtetit të rrahjeve, duke larguar më parë kryetarin e vërtetë të fisit, Edi Ramën”, thuhet në reagimin e Nisma Thurrje.
Reagimi nga Nisma Thurrje
Para 5 vitesh doli në media historia se si djali i deputetit Rrahja torturonte një vajzë, të cilën nuk guxonte ta mbronte as policia.
Një vit më vonë doli një video ku nipi i deputetit rrihte një vajzë në mes të spitalit. Asnjë mbrojte as për këtë vajzë.
Sot fisi Rrahja publikon vetë një video se si rreh barbarisht në mes të qytetit dy burra që kanë guxuar të ankohen në polici për ta.
Një shtet i falimentuar quhet shteti që ka humbur kontrollin mbi territorin. Dhe Edi Rama e ka falimentuar shtetin shqiptar duke dobësuar pushtetin e policisë mbi banditët.
Shqiptarët sot po emigrojnë pikërisht nga ky shtet i falimentuar, sepse nuk ka më siguri për jetën.
Askush nuk është i sigurt në një shtet ku vajza jote, mund të torturohet për muaj të tëra dhe policia të refuzojë ta mbrojë.
Askush nuk do të jetojë në një shtet ku djali apo babai yt mund të rrihet barbarisht vetëm pse është ankuar në polici.
Rama e ka dorëzuar shtetin tek banditët, duke e kthyer Shqipërinë në shtetin e Rrahjeve.
Të treja rastet tregojnë pushtetin që kanë këta banditë për të paralizuar shtetin. Pushtet që ja ka dhënë vetë Edi Rama.
Ka qenë Rama ai që e ka vendosur disa herë Rrahman Rrahjen në listën fituese të PS-së, duke inkurajuar pandëshkueshmërinë e rrahjeve që i bëhen njerëzve të pafajshëm.
Prandaj sot ka ardhur koha që Edi Rama ose të distancohet nga fisi Rrahja duke larguar deputetin e tyre nga grupi parlamentar i PS-së, dhe duke shkarkuar drejtuesit e policisë; ose të japë dorëheqjen, duke pranuar që nuk e qeveris dot më këtë vend.
Në të kundërt këtij populli i mbetet t’i japë vetë fund shtetit të rrahjeve, duke larguar më parë kryetarin e vërtetë të fisit, Edi Ramën.
Discussion about this post