Ndërkohë që qeveria bën propagandë me rindërtimin, pallatet e dëmtuara në Durrës vazhdojnë të rrezikojnë jetën e banorëve. Një pjesë e murit të pallatit 17 97, në lagjen 18 ka rënë mëngjesin e sotëm duke rrezikuar kalimtarët në rrugë. Policia mbërriti në vendin e ngjarjes duke nisur hetimet për ngjarjen. Banorët thonë se kjo është një ngjarje e përsëritur. Muri i pallatit të dëmtuar nga tërmeti ka aksidentuar edhe një fëmijë 5 -vjeçar para një jave, thanë banorët. Banorët thonë se janë të detyruar të jetojnë me rrezikun e vdekjes brenda në pallatit pasi kanë tre muaj pa marrë bonusin e qerasë. Bashkia iu ka premtuar disa herë se pallati do të rikonstruktohet, por deri më tani asnjë masë nuk është marrë.
“Ajo ka qenë e çarë. E shihnin dhe nuk e hiqte. Ku është qeveria? Ka 3 vjet. Asnjë se vret mendjen. Këto shiritat i ka vënë policia. Shpëtuan njerëz nuk kaluan aty. I ra një copë tulle dhe u plagos, 5 vjeç i ra tulla. Edi Rama të mos merret me qeset, por me pallatin se po vriten njerëzit.”- shprehen banorët.
Banorët thonë se bashkia nuk ka marrë asnjë masë ndërkohë që për çdo ditë janë të rrezikuar nga shembja e pjesëve të ndryshme të pallatit 7 katësh. Tre katet e para janë dëmtuar rëndë si edhe shkallët e pallatit, por brenda tij ka disa familje që banojnë.
Discussion about this post