Fabrika që prodhon çokollatat “Mars” në Pensilvani të Shteteve të Bashkuara të Amerikës është gjobitur me më shumë se 14,500 dollarë nga Administrata e Sigurisë dhe Shëndetit në Punë.
Kjo pasi dy punëtorë ranë në një kazan me çokollatë. Ata shpëtuan, por ky aksident i rëndë zbuloi se punonjësit nuk punonin me orar të plotë për fabrikën. Raporti i përgjegjësve për sigurinë në punë e cilësoi incidentin “serioz”. Ai thotë se punëtorët ishin punësuar për të pastruar dhe nuk u pajisën me trajnimin e duhur të sigurisë.
Një përfaqësues i Mars Wrigley komentoi rezultatin e hetimit.
“Siguria e bashkëpunëtorëve tanë dhe kontraktorëve të jashtëm është një prioritet kryesor për biznesin tonë. Si gjithmonë, ne vlerësojmë qasjen bashkëpunuese të Osha (përgjegjësve të sigurisë në punë) për të punuar me ne për të kryer rishikimin pas veprimit,” tha zëdhënësi.
Discussion about this post