Një beqare seksi futet për të trazuar ujërat në shtëpinë e Big Brother: Sfida ime…

Një beqare seksi sikurse Loredana Brati është bërë pjesë e shtëpisë së Big Brother, për të trazuar ujërat në këtë edicion të katërt.

Në klipin prezantues të saj modelja tha se i pëlqejnë sfidat dhe përsa i përket romancës, rrugët e zemrës i ka të hapura.

“Sfida ime aty brenda është të menaxhoj energjitë e shumë njerëzve. Jam një person që shkon pas energjive dhe kjo do të më ndikojë.

Arsyeja pse unë futem në Big Brother është sepse më pëlqejnë sfidat. Më pëlqen ideja që të sjell pak nga shpirti im shumë ngjyrësh në shtëpitë e çdo shqiptarëve”- tha Loredana në klipin prezantues.

Por a mendon se mund të dashurohet në shtëpinë e Big Brother?

“Ndoshta, pse jo? Unë jam 25 vjeçe, jam beqare kështu që po erdhi mirëse të na vij”- tha Loredana.

Ledioni: Ti do të jesh sa ndryshe nga këto çupat e Italisë?

Loredana: Ndoshta pozitivitetin e tyre do ta kem, por që do të sjell ngjyra ndryshe.