Turi i Francës ka një mbret të konfirmuar tashmë dhe ai është danezi Jonas Vingegaard i skuadrës Jumbo-Visma, i cili konfirmohet kampion i garës më prestigjioze të çiklizmit në botë.
26-vjeçari triumfoi të dielën nën hijen e Kullës Eiffel duke u konfirmuar si njeriu më i suksesshëm i garës sfilitëse të Francës që u mbyll pas 21 etapave si gjithmonë në Paris.
Kjo ishte një etapë 115.5 km, Saint Quentin En Yvelines-Champs Élysées dhe u fitua nga belgu Jordi Meeus i skuadrës Bora-Hangsrohe.
Në klasifikimin e përgjithshëm, distanca mes Vingegaard dhe ndjekësit Tadej Pogacar është plot 7 minuta e 29 sekonda. Në vendet 3 dhe 4 u renditën dy vëllezërit binjakë nga Britania e Madhe, Adam dhe Simon Yates.
Discussion about this post