“Një ditë jo e mirë”/ Kryemadhi reagon pas divorcit: Do të jepja jetën për Metën e jo më votën…

Monika Kryemadhi ka reaguar për herë të parë, pas vendimit të Gjykatës së Tiranës, e cila zyrtarizoi divorcin e saj nga Ilir Meta.

Ditën e sotme, Kryemadhi e konsideron si një ditë jo shumë të mirë për të dhe familjen e saj, teksa kërkon mirëkuptimin e të gjive. Edhe pse tashmë zyrtarisht nuk janë më çift, Monika Kryemadhi vazhdon të bëjë fushatë për Ilir Metën, i cili ndodhet në qeli.

Në postimin e saj në rrjetet sociale, Kryemadhi thotë se kërkon votën për babain e fëmijëve të saj, duke shtuar se është e gatshme të japë edhe jetën për Ilir Metën.

Postimi i plotë:

Të dashur miq!

Uroj që të më mirëkuptoni sot në këtë ditë të jo shumë të mirë për mua dhe familjen time. Mediat vrapuan sot për të zyrtarizuar sot divorcin tim me Ilir Metën. Familjarë që nga mamaja, vëllai, kushërinjtë, miqtë dhe mikeshat e mia për të gjithë ju që më keni ndjekur në të gjitha sfidat e mia dhe iu jam mirënjohëse për gjithçka.

Sot do iu lutesha të mos ndikoheni nga ky lajm, unë kërkoj prap me të njëjtin përkushtim dhe dashuri votën për babain e fëmijve të mi, për të cilët unë do të jepja jetën e jo më VOTËN për Ilir Metaj .

Sot kudo që jeni në çdo rrugicë dhe cep të Tiranës bashkohuni në hapjen e fushatës të opozitës sepse ky regjim është aq i keq dhe i helmuar sa helmon në qelizë dhe familjen shqiptare. Prandaj ju lutem sot më shumë se kurrë të jeni në Sheshin Nënë Tereza në orën 19:00.