Ish-kryeministri, Sali Berisha, ka dalë me një mesazh të fortë për qytetarët një ditë para mbajtjes së Kuvendit. Në një prononcim për mediet ai bëri thirrje që delegatët dhe simpatizantët e PD të bëhen bashkë për të larguar Bashën dhe për të kthyer PD në forcën e parë opozitare. Sipas tij, 11 dhjetori duhet të bëhet forca për të përmbysur komunizmin.
“Me këtë mesazh dua t’iu përshëndes përzemërsisht, t’iu ftoj ju delegatëve të kuvendit të rithemelimit të PD që keni firmosur ose jo formularin të jeni nesër të pranishëm dhe të vendosni me votën tuaj rithemelimin e forcës tonë politike, rikthimin e saj në shtëpinë e lirisë në një forcë politike të vlerave konservatore të shoqërisë tonë. Në një forcë opozitare të sigurtë që do udhëheq revolucionin e shqiptarëve si dikur për përmbysjen e komunizmit sot për të përmbysur narkoshtetin”, shprehet Berisha, ndërsa deklaroi i bindur se Kuvendi i nesërme do të ketë mbështetjen më të madhe dhe historike.
Discussion about this post