Një ditë para Kuvendit Kombëtar të PD, është zbardhur mesazhi që kreu demokrat Lulzim Basha i ka dërguar delegatëve për pjesëmarrjen.
Në mesazh shkruhet data dhe ora e mbledhje së Kuvendit, ndërsa theksohet rëndësia e pjesëmarrjes së delegatëve si një mesazh se interesi i PD është mbi të gjithë.
“Nesër, e shtunë, datë 18 Dhjetor, ora 11:00, në Pallatin e Kongreseve, Tiranë, mblidhet Kuvendi Kombëtar i Partisë Demokratike, me përgjegjësinë historike për të qenë të bashkuar kundër regjimit të Edi Ramës. Pjesëmarrja e secilit prej nesh, është mesazhi i qartë që interesi i demokratëve dhe PD, sakrifica e tyre, është mbi interesin personal të cilitdo. Ne zgjedhim të ardhmen, për PD, për Shqipërinë”, tha Basha.
Për Bashën, ky është një Kuvend për bashkimin e PD dhe lënien pas të së shkuarës, referuar këtu lëvizjes së ish-kryeministrit Sali Berisha për ta shkarkuar nga posti i kreut të PD.
Discussion about this post