Një ditë para protestës masive që është paralajmëruar ditën e nesërme, grupi iniciator tha në një deklaratë për shtyp se masat e marra nga qeveria nuk mjaftojnë për zgjidhjen e krizës. Ndërkohë, ata paralajmërojnë me përshkallëzim të protestave, nëse qeveria nuk merr në konsideratë kërkesat e tyre.
“Këto masa nuk janë të mjaftueshme për përballimin e krizës. Ndihma për përballimin e rritjes së çmimeve për kategorinë në nevojë është shumë minimale. Ndërkohë qeveria vazhdon të refuzojë uljen e përkohshme të taksave. Nëse qeveria është kokëfortë dhe nuk pranon të negociojë këtë të shtunë qytetarët do të jenë të gjithë në protestë sërish. Kjo është protestë e qytetarëve, e organizuar nga ana dhe është për problemet e qytetarëve. Protesta nuk do të ndalet. Protesta do të nisë në orën 11;00 dhe do të jetë një marshim drejt kryeministrisë. Një nga skenarët është përshkallëzimi dhe ne do të ulemi para Kryeministrisë, nuk do të ngrihemi. Protestat do të vazhdojnë pa ndërprerje”, deklaroi përfaqësuesja.
Aktivistja Rezarta Çaushaj renditi edhe njëherë kërkesat e protestuesve ku tha se nëse qeveria refuzon t’i plotësojë, atëherë protestat nuk do të ndalen.
“Kërkesat tona janë këto:
Heqja e taksës së qarkullimit por karburantin;
Pezullimi për produktet e shportës;
Ndihmë për fermerët;
Ndihmë për pensionistët;
Mbikëqyrje për koncesionet që ndikojnë në rritjen e çmimeve në hidrokarburet
Hetim dhe mbikëqyrje për tregun
Nëse qeveria është kokëfortë dhe qeveria nuk do të negociojë, këtë të shtunë në orën 11 qytetarët do të dalin në shesh për të marshuar drejt Kryeministrisë. Ne nuk do të rreshtim së protestuari deri sa qeveria t’i trajtojë me dinjitet”, tha ajo.
Kujtojmë se protesta e nesërme është thirrur para Kryeministrisë në orën 11:00, ku pjesëmarrja pritet të jetë masive, deri në plotësimin e kërkesave nga qeveria.
Discussion about this post