Kryetarja e Kuvendit, Elisa Spiropali është filmuar paraditen e kësaj të mërkure teksa futej në ambientet e Kryeministrisë, ku siç duket ka zhvilluar një takim me “shefin” e saj, kryeministrin Edi Rama.
Vizita e Spiropalit në Kryeministri vjen një ditë para rikthimit të Kuvendit, i cili do të mbajë nesër (e enjte) në orën 12:00 seancë plenare, as një shkëputje disa javore nga aktiviteti parlamentar për shkak të fushatës elektorale dhe zgjedhjeve të 11 Majit.
Para seancës në Kuvend, do të mblidhet dhe Konferenca e Kryetarëve, ku do të diskutohet për kalendarin e punimeve të kuvendit për periudhën 29 maj – 8 korrik 2025.
Sipas kalendarit zyrtar, do të bëhen raportimet vjetore të të gjitha institucioneve publike, përfshirë edhe ato të drejtësisë.
Në shtator, ligjvënësit aktualë do të duhet të “lirojnë” vendin për deputetët e rinj të dalë nga zgjedhjet e 11 Majit.
Discussion about this post