Një ditë pas aksidentit tragjik në Fier, policia “zgjohet nga gjumi” dhe zbarkon në disa autostrada.
Gjatë orëve të mbrëmjes janë kryer disa kontrolle në rrugën interurbane Tiranë – Elbasan – Tiranë, në aksin Sauk-Teg për të parandaluar shpejtësinë tej normave të lejuara dhe drejtimin e mjetit nën efektin e alkoolit apo në gjendje të dehur.
Por si rezultat i monitorimit me radar në aksin Sauk – Teg konkretisht në Mjullbathore, Policia Rrugore e Tiranës konstatoi vetëm 11 raste të shpejtësisë tej normave të lejuara, që varionin 133 km/h deri në 170 km/h, ku drejtuesve të automjeteve iu pezullua leja e drejtimit nga 1 muaj deri në 12 muaj, pasi disa prej tyre ishin shkelës disa herë të rregullave të qarkullimit rrugor.
Gjithashtu, u konstatuan dhe 10 raste me shpejtësi nga 116 km/h deri në 126 km/h, ku drejtuesit e mjeteve u ndëshkuan me masë administrative 2.000 lekë deri në 4.000 lekë të rinj secili.
Sakaq në njoftim theksohet se nga monitorimi me alkooltestues në të gjitha rrugët e Tiranës, janë Ndërsa, janë pezulluar 6 leje drejtimi për drejtim mjeti nën efektin e alkoolit, si dhe janë vendosur 16 masa administrative me vlerë nga nga 5.000 lekë deri në 15.000 lekë të rinj për drejtim mjeti nën ndikimin e alkoolit.
Policia e Shtetit pas “punës” mbyll njoftimin për shtyp me një apel për zbatim me rigorozitet të rregullave të qarkullimit rrugor, pasi të gjitha rrugët nacionale dhe urbane në të gjithë vendin, janë të monitoruara me patrulla të lëvizshme të Policisë Rrugore duke përdorur radarë, dragera, dronë, makina të paloguara, kamera e aparatë fotografikë.
